Kubbabúðin - landsins mesta úrval af LEGO

Mínar pantanir Heimilisfang Mín síða

Fyrirtæki Notendur Færslur

Engin fyrirtæki í boði

Mínar pantanir Heimilisfang Mín síða

Fyrirtæki Notendur Færslur

Engin fyrirtæki í boði

Mínar pantanir Heimilisfang Mín síða

Fyrirtæki Notendur Færslur

Engin fyrirtæki í boði

LEGO® DREAMZzz™ er komið!

LEGO® DREAMZzz™ er glæný lína frá LEGO þar sem draumar verða að veruleika og ímyndunaraflið sigrar allt! Hetjurnar okkar Mateo og Izzy eru ósköp venjulegir skólakrakkar sem rekast á draumaveröld – heim þar sem bókstaflega allt er til, bæði gott og slæmt – og þurfa þína hjálp við að skapa verur og farartæki til að bjarga saklausum dreymendum frá því að lenda í klónum á konungi martraðanna ... LEGO® DREAMZzz™ hentar börnum frá sex ára aldri og er frábær leið til að virkja ímyndunaraflið og sköpunarkraftinn. Leiðbeiningarnar í hverjum pakka fylgja sögu sem gefur barninu möguleika á að velja hvernig byggingin þróast.

Mateo er rosalega listrænn en þorir ekki að sýna verkin sín. Líf hans breytist heldur betur þegar hann uppgötvar innganginn í draumaveröldina.

Izzie er hugrökk og fyndin og vill ekki eyða of miklum tíma í að hugsa málin áður en hún framkvæmir.

Zoey þarf enga aðstoð ... eða það er alla vega það sem hún vill að fólk haldi. Í draumaveröldinni gengur hún til liðs við Zian til að berjast gegn hinum skelfilega Martraðarher. En hún er sko ALLS EKKI HLUTI AF LIÐINU. Bara svo það sé á hreinu.

Nightmare King er svo sannarlega konungur martraðanna og vill ráða yfir öllum draumum í heiminum og hreinlega öllu og öllum sem þar eru. Hann er sem sagt bara alveg ferlega vondur gæi.

Cooper er snillingur í tæknimálum og mjög vandvirkur. Hann er ekkert að flýta sér að neinu. Hann var besti vinur Mateo þegar þeir voru litlir en þegar Cooper fór að verða vinsælli hættu þeir að vera vinir. Getur draumaveröldin orðið til þess að vinátta þeirra komist aftur í samt lag?

Mr. Oz er alveg svakalega upptekinn maður og hefur alltaf nóg að gera. Á daginn er hann kennari og á kvöldin eltir hann drauma í New York. Sefur hann kannski bara aldrei?

Logan er vinsæll, keppnismikill og hugrakkur (stundum alveg óvart samt). Hann er nýi besti vinur Cooper. En þótt Logan virki rosalega hugrakkur er auðvelt að hræða hann ...

Night Hunter er hægri hönd konungs martraðanna og er snillingur í að eyðileggja drauma og alls konar. Hann er alveg skelfilegur og maður vill helst forðast hann ...

DREAMZzz þættir

Á heimasíðu LEGO er hægt að horfa á LEGO® DREAMZzz™ þætti þar sem hópur ósköp venjulegra krakka fer inn í ótrúlegan draumaheim þar sem allt sem mann bara getur dreymt um er til! Þar er meðal annars tekið á svefnþjálfun barna, baráttu góðs og ills og alls konar málum sem upp geta komið í vinahópnum. Þetta er glæný lína frá LEGO og hún er ólík öllu því sem áður hefur komið frá fyrirtækinu. Þættina er einnig hægt að finna á Netflix og Amazon Prime.

Söguþráður og margbreytileiki

Leiðbeiningarnar sem fylgja hverju setti líkjast helst teiknimyndasögu og fylgja sögu þannig að barnið getur algjörlega gleymt sér við að skoða leiðbeiningabæklinginn án þess að ljúka við bygginguna. Þegar það hefur svo lokið byggingunni er það komið með fallega veröld sem er allt öðruvísi en það sem það hefur áður byggt úr LEGO. DREAMZzz-settunum er hægt að kubba margvíslega og fer það eftir því hvort viðkomandi vilji kubba settið í raunheimum eða í draumheimum.